UM HAPPY TOURS

 Sumarferðir:  Sjóstöng og lundi.                                                                                  Vetrarferðir: Norðurljós og Reykjanesskaginn.

„Happy Tours“ var stofnað í maí 2009. Það er lítið fjölskyldufyrirtæki. Við höfum gert út báta til fiskveiða á Íslandsmiðum síðan 1970. Skipstjórinn hefur mikla reynslu og hefur verið á sjó í 40 ár með hléum. En í dag einbeitum við okkur að velferð farþeganna í bátnum okkar „Sögu.“

Helsta markmiðið er að bjóða gestum upp á skemmtilega og fræðandi reynslu. Við viljum sýna umhverfið frá nýju og spennandi sjónarhorni með lífríki sjávar í forgrunni. Við tökum aldrei fleiri en 20 farþega í ferð og höfum því tækifæri til að sinna þörfum allra bæði við fiskveiðar og fuglaskoðun.

Báturinn okkar „Saga“ er fallegur 20 tonna hefðbundinn eikarbátur sem var smíðaður á Íslandi árið 1970. Honum hefur nú verið breytt til farþegaflutninga. Um borð eru öll öryggistæki samkvæmt nýjustu kröfum þar um. Öryggi farþega og áhafnar er í forgangi hjá okkur.

Þið finnið okkur á kortinu. Rauði punkturinn vísar á bátinn við flotbryggjuna. (map)  Báturinn er staðsettur í hjarta gömlu hafnarinnar í Reykjavík þar sem heitir Vesturbugt. Þetta er vestan við slippinn, nálægt sjóminjasafninu (maritime museum- skiltinu) og er þá Hlésgata ekin niður að minni flotbryggjunni. Á svæðinu eru söluvagnar m.a. „ happytours-bíllinn.“ Ef þið komið gangandi úr miðbænum farið þið fyrir ofan skipin í slippnum og svo niður að sjó vestan megin við hann. Skiltið „Vesturhöfnin“ vísar leiðina.

Hægt er að leigja bátinn í ferðir fyrir hópa utan áætlunar samkvæmt samkomulagi.

Við byrjum að sækja á gististaði á höfuðborgarsvæðinu um klukkustund fyrir brottför.

Á veturna erum við með rútuferðir í norðurljós og einnig skoðunarferðir um Reykjanesskagann. Við tökum mest 15 farþega í þær ferðir  svo að hver og einn ætti að geta notið sín og fengið persónulega þjónustu.    Litlir hópar –  ljúfar ferðir.